Синоќа околу 22.00 часот, пред угостителски објект во Центар Жупа, нарушен е јавниот ред и мир со физичка пресметка помеѓу Б.А.(3) , З.А.(35), Ш.Л.(26) и Б.К.(30), сите од Дебар, од една страна и О.Д.(32), Ш.Д.(33), О.Д. (18) и Е.Д.(19), сите од селото Голем Папрадник, општина Центар Жупа, од друга страна, информираше Стефан Димоски портпарол на Секторот за внатрешни работи од Охрид.
Додава дека против нив, дебарското одделение за внатрешни работи ќе поднесе соодветна пријава.
Според очевидци пак станува збор за иселеници кои живеат и работат во Италија а сега се на одмор во родниот крај, а причина нерасчистени сметки од онаму каде што живеат и работат.
Димоски исто така информираше дека ОВР-Дебар поднесло кривична против А.Д.(68) од Дебар, поради постоење основи на сомнение за сторено кривично дело „бесправно градење”.
„Тој, во текот на септември 2020 година, во месноста „Бадеми”, на брегот на Дебарското Езеро, над постоечки објект, бесправно и спротивно на Законот за градба, изградил надградба од тврд материјал со што, се стекнал со противправна имотна корист од 146.520 денари“, рече Димоски.
