Експлозијата се случила недалеку од мостот Донерсбергербрике во близина на главната железничка станица.
Експлодирала авионска бомба од Втората светска војна.
Повредени се три лица.
Im Rahmen von Bauarbeiten kam es zu einer Explosion im Nahbereich der #Donnersbergerbrücke.
Unsere Experten sind bereits vor Ort. Der Gefahrenbereich wurde abgesperrt, außerhalb dieses Bereichs besteht keine Gefahr.
Der Zugverkehr am #Hauptbahnhof ist momentan gestoppt.— Polizei München (@PolizeiMuenchen) December 1, 2021
Мостот Донерсбергербрике се наоѓа недалеку од главната железничка станица во центарот на Минхен.
„Во моментов нема докази за криминални активности. Според првичните информации три лица се повредени, опасната област е претежно оградена, а железничкиот сообраќај е блокиран на главната траса“, изјави портпаролот на градската полиција Питер Вертман.
„Нема опасност надвор од непосредната област“, соопшти полицијата.
Едно лице е тешко повредено, соопшти градската противпожарна служба.
Полицијата соопшти дека стара авионска бомба експлодирала во близина на мостот Донерсбергербрике во Минхен.
München: Drei Verletzte nach Explosion einer Fliegerbombe – Zugverkehr um Hauptbahnhof eingestellt https://t.co/XaWfFxuPRF pic.twitter.com/TNK094b2Eh
— WELT (@welt) December 1, 2021
Дојче бан објави дека железничкиот сообраќај до и од главната железничка станица во Минхен е прекинат.
Секоја година во Германија се откриваат повеќе од 2.000 тони активни бомби и муниција, а од крајот на Втората светска војна поминаа повеќе од 70 години.
Британски и американски воени авиони ја преплавија земјата со 1,5 милиони тони бомби кои убија 600.000 луѓе. Официјални лица проценуваат дека 15 отсто од бомбите не експлодирале, а некои се закопани на длабочина од шест метри.
