Турските власти го уапсија членот на опозициска партија Метин Гурџан под обвинение дека учествувал во политичка и воена шпионажа, објави турската новинска агенција Анадолија.
Како резултат на сослушувањето, судот одлучил да го уапси Гурџан за наводното кривично дело.
Гурџан е пензиониран воен офицер и заедно со Али Бабаџан е основач на опозициската партија Демократија и напредок.
Тој има напишано критички написи за надворешната политика и одбраната на Турција. Тој е обвинет дека им продавал тајни информации на странски дипломати.
Тој на рочиштето ги негираше обвинувањата.
Во телевизиско интервју во понеделникот, Бабаџан рече дека неговата партија го поддржува Гурџан и нејзините адвокати ќе го поддржат „до крај“. Партијата допрва треба да ги дознае за деталите од истрагата, рече Бабаџан. „Работата на Гурџан се заснова на отворени извори. Тој нема пристап до државните тајни“, рече Бабаџан.
