Тоа ќе биде прва кампања за вакцинација по повеќе од три години и ќе ги опфати сите деца во Авганистан, вклучувајќи повеќе од 3,3 милиони деца на кои им бил оневозможен пристапот во некои делови на земјата.
Вакцинацијата започнува на 8 ноември.
Во претходните години, тимови за вакцинација во области под контрола на талибанците постојано наидувале на потешкотии и пречки, бидејќи талибанците ги обвинувале лекарите дека се шпиони кои собираат податоци за нивните борци.
Талибанските лидери ветија дека ќе им дозволат на жените да работат во кампањата за вакцинација и дадоа гаранции за безбедноста на сите здравствени работници низ целата земја.
Во јуни, пет членови на медицински тим што вакцинирал деца против детска парализа биле убиени во источен Авганистан.
Авганистан и Пакистан се меѓу ретките земји каде детска парализа е сè уште присутна.
