СЗО минатата недела за новиот сој на ковид-19 рече дека се работи за „загрижувачка варијанта“. Но, портпаролката на СЗО, Маргарет Харис, рече дека омикрон не е сој што треба да предизвика „паника“.
Таа за Би-би-си изјави дека целта на мерките е да се подигне претпазливоста меѓу државите, „но дека не треба да се претерува“.
Здравствените експерти велат дека новата варијанта на коронавирусот омикрон сега стана доминантна во Јужна Африка и предизвикува нагло зголемување на новите инфекции.
Според последните податоци, во последните 24 часа во Јужна Африка се пријавени околу 8.500 нови случаи на инфекција со ковид-19, што е речиси двојно повеќе од претходниот ден, кога биле пријавени над 4.300 новозаразени.
За споредба, во средината на ноември дневниот број на новозаразени се движел меѓу 200 и 300.
