„Соединетите Американски Држави немаат обврска да бидат домаќини на странци кои посакуваат смрт на Американците. Стејт департментот продолжува да ги идентификува носителите на визи кои го прославија гнасното убиство на Чарли Кирк“, се вели во соопштението на Стејт департментот на Икс.
The United States has no obligation to host foreigners who wish death on Americans.
The State Department continues to identify visa holders who celebrated the heinous assassination of Charlie Kirk. Here are just a few examples of aliens who are no longer welcome in the U.S.:
— Department of State (@StateDept) October 14, 2025
Во соопштението се вели дека визите се поништени за граѓани на Јужна Африка, Аргентина, Мексико, Бразил, Германија и Парагвај.
Претседателот на САД, Доналд Трамп, во вторник му го додели Претседателскиот медал на слободата, највисокото цивилно одликување во земјата, на убиениот патриот Чарли Кирк.
„Денес сме тука за да му оддадеме почит и да се сетиме на бестрашниот борец за слобода“, рече Трамп на вчерашниот настан во Градината со рози во Белата куќа, објави Ројтерс.
Трамп исто така потпиша проглас со кој го прогласува 14 октомври, кој ќе беше 32-риот роденден на Кирк оваа година, за Национален ден на сеќавање на Чарли Кирк.
