Според порталот „Блик“, по топлотниот бран што траеше две недели, температурите нагло паднаа, а обилни врнежи од дожд и грмотевици зафатија голем дел од земјата.
Според прогнозата на швајцарската метеоролошка служба МетеоШвајц, дождот прво ги зафатил западните и источните делови од земјата, а потоа се проширил и во централна Швајцарија.
Vorwarnung des Bundes: heftige Gewitter möglich. Gefahrenstufe 3 (von 4). Betroffene Regionen, weitere Informationen und Verhaltensempfehlungen auf https://t.co/qjoYMzvqsA oder auf der MeteoSwissApp. #MeteoSchweiz #Unwetterwarnung pic.twitter.com/tJYIkcW4qP
— MeteoSchweiz (@meteoschweiz) June 30, 2026
Сојузните власти издадоа предупредување од трето ниво за поголемиот дел од земјата поради ризик од силно невреме со грмотевици, удари од гром, соборени дрвја и можни поплави.
За областа Вал де Траверс е прогласено четврто, уште повисоко ниво на предупредување.
Дека ситуацијата може брзо да стане многу опасна, покажува и лизгањето на земјиштето што се случи во градот Зедорф, каде што порој од кал ја затрупа улицата кон Бауен.
Zurich was battered by a powerful storm that unleashed 8,500 lightning strikes across the region and nearly 90 km/h winds.
Trees were uprooted, streets flooded, transport disrupted, and emergency crews responded to hundreds of incidents. pic.twitter.com/GbDgRIHhyZ
— Massimo (@Rainmaker1973) June 28, 2026
Невремето го погоди и Луцерн во текот на вечерта, каде што беа регистрирани обилни врнежи од дожд, грмотевици и град.
За денес, метеоролозите предупредија дека најсилни врнежи од дожд се очекуваат на северните падини на Алпите и во источна Швајцарија, додека областа Берн и северозападниот дел од земјата треба да бидат поштедени од најлошите последици.
И во Цирих обилните врнежи предизвикаа големи проблеми. На железничката станица Штаделхофен водата почна да протекува од таванот, поради што патниците мораа да заобиколуваат големи локви на перонот.
#Unwetter #Zürich: Einsatzleitzentrale während Stunden gefordert. Im Kanton Zürich kam es aufgrund der heftigen Niederschläge zu über 700 Feuerwehreinsätzen. Einzelne Gemeinden wie die Stadt ZH über 100 Einsätze. Zur Medienmitteilung: https://t.co/ezKiSH3pKA pic.twitter.com/G7juT0Vxql
— Schutz & Rettung Zürich (@SchutzRettungZH) June 30, 2026
Областа Валиселен беше особено тешко погодена, каде што беа поплавени подруми, гаражи и центарот на градот.
Жителите пријавиле дека водата навлегла во станбените згради, додека во една гаража достигнала висина од 30 до 40 сантиметри. Затоа, влезовите во зградите мораа да бидат затворени и дополнително заштитени со вреќи со песок.
Полицијата го опколи подрачјето, а засега не е познато дали има повредени.
