Во неделата, четворица крадци упаднаа во најпознатиот париски музеј сред бел ден и побегнаа со осум вредни артефакти. Меѓу украдените предмети беа ѓердани, обетки и круна што му припаѓале на кралското семејство од 19 век.
Рускиот технолошки претприемач, кој моментално живее во Дубаи, ја објави својата понуда вчера на социјалната мрежа Икс. „Би сакал да го купам украдениот накит и да го донирам назад на Лувр. Мислам, на Лувр Абу Даби, се разбира; никој не краде од Лувр Абу Даби“, напиша Дуров.
Happy to buy the stolen jewelry and donate it back to the Louvre. I mean Louvre Abu Dhabi, of course; no one steals from Louvre Abu Dhabi.
— Pavel Durov (@durov) October 20, 2025
Лувр Абу Даби, кој се наоѓа на островот Саадијат, беше отворен во 2017 година како заеднички проект меѓу Франција и Обединетите Арапски Емирати.
Дуров ја искористи можноста и упати остра критика до француските власти, велејќи дека грабежот во Париз „воопшто не ме изненадува“.
„Тоа е уште еден тажен знак за падот на некогаш големата земја, каде што владата ја усоврши уметноста на одвраќање на луѓето со фантомски закани, наместо да се соочува со вистинските“, рече тој.
Not at all surprised by the Louvre heist. It’s another sad sign of the decline of a once great country — where the government has perfected the art of distracting people with phantom threats instead of confronting the real ones.
— Pavel Durov (@durov) October 20, 2025
Ова не е прв пат Дуров да ја критикува француската влада. Тој претходно ги обвини дека се обидуваат да воведат политичка цензура на Телеграм. Минатата година, тој беше кратко приведен на аеродромот во Париз под обвинение дека не отстранил нелегална содржина од својата платформа, по што беше ослободен со кауција.
