Запрашан за шпионот во служба на Русија што работел во кабинетот на тогашниот министер за одбрана Жан-Ив Ле Дријан, кој сега е шеф на дипломатијата, Бажоле рече дека ова се точни информации и дека им ги предал на тогашните извршни власти.
Бажоле беше интервјуиран во извештај посветен на рускиот претседател Владимир Путин.
„Во минатите години знаевме да кажеме дека сето тоа заврши по студената војна и дека повеќе не треба да губиме време на шпиони што веќе не постојат, туку приоритет е борбата против тероризмот. Сепак, шпионските активности не престанаа“, рече тој, додавајќи дека таквите активности продолжуваат да ги спроведуваат Русија, Кина и САД.
Информацијата за рускиот шпион ја пренесе француската медиумска куќа Медијапар пред неколку години. Според Медијапар, шпион на руската воена разузнавачка служба (ГРУ) бил уфрлен во кабинетот на Ле Дриан, додека тој бил министер за одбрана за време на претседателот Франсоа Оланд.
