Експертите не се сомневаат во природното потекло на новиот коронавирус, изјави вчера Ринат Максјутов, шеф на рускиот Државен истражувачки центар за вирусологија и биотехнологија „Вектор“.
„Во моментов на ниво на експерти нема сомнеж за природното потекло на новиот коронавирус“, изјави Максјутов за телевизијата „Русија 24“.
Максјутов објасни дека новиот коронавирус се разликува за околу 20 отсто од претходниот облик на коронавирусот и рече дека би било невозможно таков вирус да се направи вештачки, пренесе ТАСС.
