Неговата централно-десничарска партија Тисза минатиот месец оствари убедлива победа над националистичко-популистичката Фидес на Орбан, освојувајќи повеќе гласови и места во парламентот од која било друга партија во посткомунистичка Унгарија.
Маѓар, 45-годишен адвокат кој ја основа партијата Тисза 2024, влезе во зградата на парламентот со 140 нејзини претставници.
Неколку илјади луѓе се собраа на плоштадот пред парламентот, на покана на Маѓар, за да присуствуваат на целодневната прослава на „промената на режимот“ и на крајот на Орбановата ера.
„Нема да владеам со Унгарија, туку ќе ѝ служам на мојата земја“, рече веднаш Маѓар, осудувајќи ја корупцијата на Орбановиот систем, кој, како што рече, ги лишил Унгарците од „патишта, болници, училишта“ и сè што им е потребно. Тој, исто така, најави создавање независна канцеларија задолжена за „откривање на извршени злоупотреби“ во текот на изминатите 20 години и враќање на проневерените средства.
Се очекува Петер Маѓар (45) да ѝ се обрати на толпата. Свесен дека периодот на меден месец можеби нема да трае, тој сака брзо да ги усвои реформите потребни за „репатријација“ на европските средства замрзнати поради прекршувања на владеењето на правото во минатото. Ова е особено важно бидејќи Унгарија се соочува со рок до август, кога би можела да изгуби дури 10 милијарди евра од планот за закрепнување по ковид-19.
Минатата недела, Маѓар отпатува во Брисел, надевајќи се дека ќе ја обезбеди исплатата на овие пари до крајот на мај, на што смета за да ги исполни своите предизборни ветувања.
Иако отворено го поздравува доаѓањето на власт на Маѓар, кој вети дека ќе ги врати мирните односи со ЕУ, Брисел можеби сепак ќе почека да се усвојат конкретни реформи пред да одговори позитивно.
„На Денот на Европа, нашите срца се во Будимпешта“, напиша фон дер Лајен во објава на платформата Икс, поздравувајќи го толку „силниот сигнал во овие тешки времиња“.
