Охрид отвори добро и водеше во првите десетина минути. Потоа Вардар подобро го заврши првото полувреме и на пауза замина со предност од 12-14, иако охриѓани во неколку наврати имаа контрола над резултатот. Домашниот тим добро парираше во воведот, а со головите на Јасухира и Ѓукиќ стигна и до 8-5.
Гостите отворија подобро и во вториот дел, поведувајќи со 12-16, но следеше голем пад во нивната игра. Охрид направи серија од 4-0 и целосно се врати во натпреварот, а потоа со расположениот Ѓукиќ и ефикасниот Иванковиќ дојде и до највисоки 21-17. Вардар не се предаваше и во финишот неколкупати се доближуваше на само еден гол негатива, но клучна беше интервенцијата на Пилиповиќ при резултат 26-24, по што домаќинот успеа да ја сочува предноста до самиот крај.
Најефикасни кај Охрид беа Иванковиќ и Јасухира со по шест гола, додека кај Вардар се издвои Да Силва со пет погодоци.
Сигурна победа забележа Алкалоид на гостувањето кај Тиквеш (23-30). Тимот на Кирил Лазаров е сигурен на четвртата позиција и без шанси за прогрес погоре.
