Нападот се случил во округот Бану во покраината Хајбер Пахтунхва, каде што терористи се забија со автомобил полн со експлозив во полициски контролен пункт во текот на ноќта. Нападот беше проследен со интензивно пукање.
„Најмалку 15 полицајци беа убиени“, изјави регионален полициски службеник за германската новинска агенција ДПА. Во нападот беа ранети и три лица, додаде тој.
Локалните медиуми прикажаа снимки од урната зграда и спасувачи кои бараат тела.
Major attack overnight at Pakistan’s KPK’s Bannu on Pakistani Police personnel. pic.twitter.com/l52xOPUI1X
— Aditya Raj Kaul (@AdityaRajKaul) May 10, 2026
Северозападната покраина, која се граничи со Авганистан, со децении се соочува со милитантни групи и непрекинати напади.
Покраината регистрирала 3.811 терористички инциденти во 2025 година, вклучувајќи 16 самоубиствени напади.
Вкупно 5.397 терористички инциденти, вклучувајќи 27 самоубиствени напади, беа пријавени во Пакистан во текот на годината, според канцеларијата за односи со јавноста на пакистанската армија (ISPR).
Пакистан тврди дека има зголемување на терористичките инциденти откако авганистанските талибанци ја презедоа контролата врз Кабул во 2021 година.
