Ескобар нелегално увезувал егзотични животни за својата приватна зоолошка градина вклучувајќи ги таканаречените кокаински нилски коњи, за кои се смета дека се најголемото стадо нилски коњи надвор од Африка, пишува Би-би-си.
„Беше физички тешко да се преместат па властите ги оставија таму, веројатно мислејќи дека ќе угинат, но без предатори во Јужна Америка нилските коњи се размножиле“, кажа колумбискиот биолог Натали Кастелбланко.
Според експертите, нилските коњи почнале да се шират по еден од главните пловни патишта во земјата, реката Магдалена, а колумбиските еколози велат дека нилските коњи на Ескобар се инвазивен вид и дека ја потиснуваат домашната фауна.
Владата до сега стерилизирала 24 од над 80 нилски коњи од имотот на Ескобар, а повеќето животни од имотот се преместуваат во зоолошки градини низ Колумбија.
