Водителката на Си-би-ес Нора О’Донел разговараше со Трамп за низа теми, од блокадата на владата до имиграцијата, но разговорот ескалираше кога таа ги спомена изборите во Њујорк. „Зохран Мамдани, 34-годишен демократски социјалист. Тој е фаворит“, почна О’Донел. „Комунист, а не социјалист“, Трамп ја прекина. „Тој е многу полош од социјалист“.
President Trumps 60 mins interview. I don’t think we’ve deported enough people yet. Obama Biden Judges are in the way. Mamdani isn’t a Socialist he’s a Commi, I think I’m much better looking than he is. 😂🤣😂 pic.twitter.com/UouYIoyf6h
— Patriotic 🇺🇸Suzanne⭐️⭐️⭐️ (@suzost) November 3, 2025
На прашањето од О’Донел за споредбите кои го опишуваат Мамдани како „ваша харизматична, левичарска верзија, која ги крши старите правила“, Трамп одговори во свој стил. „Па, мислам дека сум многу позгоден од него, нели?“, кажа тој. Потоа објасни што мисли дека ќе се случи ако Мамдани, кого постојано го нарекуваше комунист, го преземе управувањето со градот.
„Ќе ми биде тешко како претседател да му дадам многу пари на Њујорк“, кажа Трамп. „Бидејќи ако имате комунист кој го води Њујорк, сè што правите е да ги трошите парите што ги испраќате таму. Затоа не знам дали победил, а не сум обожавател на Куомо на ниеден начин, но ако изборот е помеѓу лош демократ и комунист, секогаш ќе го бирам лошиот демократ, да бидам искрен со вас“.
И покрај острата реторика, Трамп потврди дека ќе се сретне со Мамдани ако победи. Минатиот месец, тој одби да поддржи кој било кандидат, вклучително и републиканецот Куртис Слива. „Да, ќе разговарам со него“, рече Трамп. „Мислам дека имам обврска да разговарам со него.“ Мамдани во моментов води на анкетите пред неговиот најблизок противник, поранешниот гувернер на Њујорк Ендру Куомо за најмалку десет процентни поени.
