„Црвената фурија“ беше подобар ривал и создаде повеќе можности, но не најде начин да го совлада расположениот Возиња. Голманот на аутсајдерот блескаше во првото полувреме кога ги запре обидите на Феран Торес, додека еднаш и пречката беше сојузник на неговата селекција.
Шпанците продолжија да напаѓаат и по паузата, а во игра влегоа и Ламин Јамал, Микел Мерино и Дани Олмо во обид да донесат пресврт. Сепак, Зеленортските Острови останаа цврсти во одбраната и успеаја да стигнат до историски бод на своето мундијалско деби.
Во следното коло Шпанија ќе игра против Саудиска Арабија, додека Зеленортските Острови ги очекува дуел со Уругвај.
