На овие места, топлината не е само временска состојба, туку дел од идентитетот на градот. Сепак, луѓето продолжуваат да живеат во овие жешки средини, прилагодувајќи се, преживувајќи и усовршувајќи го користењето креми за сончање и следењето на УВ-индексот.
Прочитајте за најтоплите места во светот каде што всушност живеат луѓе, рангирани според просечните дневни летни температури.
Феникс, Аризона
Просечна дневна максимална температура во текот на летото: 41 до 43 Целзиусови степени
- Рекордна температура: 50 степени
Феникс во Аризона се наоѓа во пустината Сонора, на југозападот на САД. Градот има долги и исклучително жешки лета, додека зимите се кратки и повеќе потсетуваат на лето во други делови од земјата. Просечната дневна температура од мај до септември надминува 37 степени.
Летните температури редовно достигнуваат меѓу 41 и 43 степени, а ниту ноќите не носат големо олеснување. Рекордната температура изнесувала околу 50 степени.
Жителите на Феникс очигледно не се грижат премногу за екстремните услови бидејќи населението на градот продолжува да расте. Слично како и во Доха, развојот на градот е поткрепен со масовната употреба на климатизација, архитектура прилагодена на топлина, садење дрвја за создавање сенка и внимателно управување со водните ресурси. Денес, Феникс е еден од најпознатите пустински градови во светот, каде што животот не само што преживува, туку и напредува и покрај екстремната топлина.
Шри Ганганагар, Индија
Просечна највисока дневна температура во текот на летото: повеќе од 38 Целзиусови степени
- Рекордна температура: 49,4 степени
Шри Ганганагар се наоѓа во северозападната индиска држава Раџастан, во близина на границата со Пакистан, во областа на пустината Тар.
Градот од април до септември се соочува со дневни температури повисоки од 38 Целзиусови степени, како и со чести песочни бури во текот на мај и јуни. Рекордната температура од 49,4 степени била забележана во 2025 година, што го вбројува меѓу најтоплите населени места во светот.
Животот во овој град е целосно приспособен на жештината, па жителите поголемиот дел од активностите ги извршуваат во посвежите делови од денот. Обемниот систем за наводнување преку каналот Ганга ја одржува областа изненадувачки плодна, поради што регионот е познат како „житница на Раџастан“.
Доха, Катар
Просечна највисока дневна температура во текот на летото: повеќе од 38 Целзиусови степени
- Рекордна температура: 50,4 степени
Доха, главниот град на Катар, се наоѓа на североисточниот брег на Арапскиот Полуостров, покрај Персискиот Залив.
Градот е познат по екстремно жешката пустинска клима со долги, многу топли лета и кратки, благи зими. Најниската температура во текот на годината изнесува околу 22 Целзиусови степени во јануари, додека во текот на врвот на летото дневните температури често надминуваат 38 степени, со дополнително чувство на запурничавост поради влагата од Персискиот Залив.
Температурите овде достигнувале дури и 50,4 Целзиусови степени.
И покрај суровата клима, Доха стана голем градски центар. Жителите се адаптираат благодарение на модерната инфраструктура, широката употреба на климатизација и урбанистичките решенија дизајнирани за екстремна топлина.
Индио, Калифорнија
Просечна дневна максимална температура во текот на летото: околу 37 степени Целзиусови
Рекордна температура: 50,5 степени
Индио се наоѓа во долината Коачела во јужна Калифорнија и се соочува со некои од најинтензивните горештини меѓу американските градови.
Просечните температури во средината на летото се движат околу 37 Целзиусови степени, додека ведрото небо и сувиот пустински воздух дополнително го засилуваат чувството на жештина. Топлото време доминира во поголемиот дел од годината, со многу кратки периоди на разладување.
Во Индио била забележана рекордна температура од дури 50,5 Целзиусови степени.
И покрај екстремните услови, градот одржува стабилен број жители благодарение на земјоделството и големите фестивали што привлекуваат посетители дури и под немилосрдното сонце.
Џизан, Саудиска Арабија
Просечна дневна максимална температура во текот на летото: повеќе од 35 Целзиусови степени
Рекордна температура: 46,7 степени
Џизан се наоѓа на југозападниот брег на Саудиска Арабија покрај Црвеното Море и е познат како едно од најтоплите места во светот каде што живеат луѓе.
Летата се особено тешки, со просечни дневни температури околу 35 Целзиусови степени, додека влагата од морето дополнително го зголемува чувството на задушливост.
Дури ни надвор од летната сезона температурите ретко значително опаѓаат, а максимумите од околу 46,7 Целзиусови степени покажуваат колку климата може да биде екстремна.
Сепак, Џизан има големо население и претставува важно пристаниште и земјоделски центар, познат како „овошната кошница“ на регионот. Благодарение на крајбрежната клима, околните подрачја произведуваат големи количества манго и друго тропско овошје.
