Од ВМРО-ДПМНЕ соопштија дека лидерот на опозицискиот Социјалдемократски сојуз (СДСМ), Венко Филипче, добил шлаканица од европратеникот Вајц, кој рече дека неговото последно интервју дадено за Еуроњуз на бугарски јазик, во кое тој вели дека нема напредок во реформите во Македонија, било дадено на почетокот на март и дека тогаш ја одразувало моменталната состојба.
Вајц во вчерашното интервју за ТВ Канал 5 рече дека забележува напредок во евроинтеграциите на Македонија и дека земјата има дополнително време да ги исполни потребните чекори од реформската агенда до јуни. Тој исто така додаде дека во задоцнетото објавување на неговото интервју на Еуроњуз на бугарски јазик (на 26 април, а дадено пред 7 недели) гледа некаква скриена агенда.
„Мислам дека не е многу професионално, ни беше кажано поинаку. Бев малку изненаден што е објавено пред неколку дена. Но, да за жал изгледа дека има некаква агенда зад тоа“, кажа Вајц.
