Според него, официјалните податоци покажуваат дека просечната нето-плата во март 2024 година изнесувала 40.496 денари, додека во март 2026 година достигнала 48.433 денари.
Стојаноски посочи дека во истиот период растот на цените изнесувал 7,8 проценти, а по корекцијата со растот на цените, реалното зголемување на просечната плата изнесува близу 11 проценти.
Тој оцени дека платите не само што го следат растот на цените, туку растат значително побрзо и реално ја зголемуваат куповната моќ на граѓаните.
Според Стојаноски, раст на платите е забележан во сите клучни сектори, при што најголемо зголемување во апсолутен износ има во информациите и комуникациите, транспортот и складирањето и рударството, додека процентуално највисок раст е регистриран во транспортот, дејностите поврзани со недвижен имот и образованието.
Тој додаде дека овие показатели се потврда дека економските политики даваат резултати и дека приходите на вработените растат, нагласувајќи дека целта е платите да продолжат да растат побрзо од цените, да се отвораат подобро платени работни места и граѓаните да имаат повисок животен стандард.
