На денешното рочиште се појави обвинителот Кристијан Смилевски. Тој денеска изјави дека го проучил предметот и се надева дека ќе го заврши пред да застари, на крајот на август.
Денешното рочиште се одложи откако по трет пат не дојде сведокот на одбраната, поранешниот владин генерален секретар Кирил Божиновски. Тој бил на фамилијарно патување, за што адвокатот на Груевски достави авионски карти како доказ дека Божиновски не е во земјава.
Наредното рочиште е закажано за 30 април кога Божиновски треба да даде исказ како сведок на одбраната.
Ако Груевски се врати, тој има право да побара ново судење и случајот ќе почне од почеток.
