Неговата жалба била уважена и решението за притвор е преиначено со прифаќање на гаранцијата. Второстепените судии му определиле мерки на претпазливост односно одземање на пасошот и обврска да се јавува во судот.
Гаранцијата над 11 милиони евра, се состои од недвижен и движен имот, а ексшефот на УБК треба да излезе во притвор откако ќе завршат административните процедури со ставање на хипотеката на имотот што е понуден како гаранција дека нема да избега.
По ова Апелацискиот суд треба да испрати известување до Основниот суд во Скопје, а потоа тие да го известат Истражниот затвор во Шутка.
Мијалков издржува мерка притвор во предметот „Трезор”, каде е неправосилно осуден на осум години затвор.
Тој има првостепена пресуда и во случајот „Таргет – Тврдина” со која е осуден на 12 години затвор, а обвинет е и во случаите „Плацови на Водно” и „Титаник 2″, а осомничен е и во предметот „Империја”.
Во „Тортура”, пак, доби ослободителна пресуда.
