„Теренската кампања ја започнуваме вечерва во хотелот ‘Мериот’ во Скопје. Потоа следуваат активностите во Охрид, Куманово, Штип, Тетово… Ја имaме поддршката на хрватската влада, Македонија и Хрватска се пријателски, блиски земји, без отворени прашања. Но, тоа не значи дека се остваруваат сите национални права овде, барем не на нивото како што е тоа во Хрватска. Асимилацијата си го прави своето, попис нема 20 години, а и при последниот, во тие воени, виорни времиња, не сите се изјаснија. Ова е прилика да дојдеме до точниот број и, како што Бугарите го бараат тоа, и ние ќе побараме влез во Преамбулата на Уставот“, вели Невенка Болонча Костовска, претседателка на Заедницата на Хрватите во Македонија.
Тие на оваа тема имаа и средба со премиерот Зоран Заев.
В.М.
