МВР два месеца не можеше да издава лични кари со новото име на државата, откако во парламентот со околу 1.500 амандмани беше блокирано законското решение, но сега со подзаконски акт блокадата е пробиена.
За опозицијата, регулирањето на ова прашање со подзаконски акт е кршење на Уставот и на законите. Власта, пак, тврди дека издавањето на лични карти и без да се донесат законските измени е сосема легално, а МВР како надлежна институција и министерот за внатрешни работи ги имаат сите законски овластувања за донесување на подзаконскиот акт со кој се уредува издавањето на лична карта за граѓаните, а во согласност со Уставот, Уставните амандмани, Законот за лична карта и Законот за употреба на јазиците.
Старите лични карти на кои уште не им е истечен рокот ќе важат до 12 февруари 2024 година.
