Заштитната маска како превентива од ширење или заразување со коронавирусот грижливо му е ставена преку устата и носот, не како на некои сопатници на кои божем случајно им паднала под носот за полесно да дишат.
Пендаровски на ваков обичен начин, без никаков ВИП-третман, го заврши патувањето од Киев, каде што заедно со други шефови на држави и претседатели на влади присуствуваше на одбележувањето на 30-годишнината од независноста на Украина.
За трошоците на патувањето не би имало новинарски предизвик да прашаме во неговиот кабинет, кога самите фотографии говорат дека се во рамките на минимумот, а останатите трошоци пак, како на пример сместувањето во Киев, не се на товар на нашата држава.
