Само пред еден ден бугарските власти критикуваа за постоење говор на омраза во македонската јавност, меѓу политичарите и медиумите, но никој не кажа ниту збор за говорот на омраза во бугарската јавност.
„Македонија е бугарска. Факт, којшто нема потреба да се докажува. Факт којшто Зоран заев го заборава кога е во Скопје. И се потсетува само кога ќе побара нешто. Вистината не може да се заобиколи, а судбината на секој предавник е да биде отфрлен од историјата“, пишува Џамбаски на социјалните мрежи.
Во видеото кое е дел од предизборната кампања на ВМРО-БНД се вели дека Бугарија секогаш ја сакала Македонија, но не бивало Бугарија да биде изнудувана. Пораките што ги упатуваат се следни:
Пријателство се гради со доверба и доследност.
Вистината не може да се заобиколува.
Договорите, Заев, се двострани документи.
Вие одбивате да стоите зад вашиот потпис.
Бугарските патриоти ќе ја продолжат битката за својата вистина. Македонија е бугарска.
Под пораките се потпишани Бугарските патриоти – ВМРО, Волја и НФСБ
❗️#Македония е българска. Факт, който няма нужда от доказване. Факт, който Зоран Заев забравя, когато е в Скопие. И си спомня, само когато поиска нещо.
?? Истината не може да се заобикаля, а съдбата на всеки предател е да бъде отхвърлен от историята!#БългарскитеПатриоти ?1️⃣6️⃣ pic.twitter.com/kiqmLLbMxn— Джамбазки (@djambazki) June 18, 2021
