Заклучно со вчерашниот ден на вакциналните пунктови во државата вакцинирани се вкупно 321.815 граѓани. Со последните бројки, пак, 52% од населението над 70 години примиле барем една доза вакцина, 49% од населението над 65 години е вакцинирано со барем една доза вакцина и 43% од населението над 60 години е вакцинирано со барем една доза вакцина.
Инаку, досега бројот на лица кои изразиле желба за вакцинација преку веб платформата vakcinacija.mk е 469.212 граѓани, а вакцинацијата се спроведува согласно Националниот план за имунизација. Масовна вакцинација се одвива во неколку градови во државата и тоа во А1 СЦ Борис Трајковски во Скопје, во спортските сали во Кавадарци, Куманово, Тетово, Штип, Битола, Струмица, Охрид, Велес и Прилеп.
