Паркот во Капиштец и просторот кај ООУ Кочо Рацин вчера беа исполнети со деца и родители кои ја следеа проекцијата на македонскиот детски филм „Мали промени – големи разлики“.
Градоначалникот Горан Герасимовски истакна дека ваквите настани ги оживуваат јавните простори и создаваат позитивни навики кај најмладите.
„Ми е драго кога гледам дека парковите стануваат места за дружење, смеа и учење на вистински вредности“, порача тој, додавајќи дека целта е децата да добијат квалитетна и едукативна содржина надвор од домовите.
„Патувачкото кино“ продолжува и во наредните денови низ центарските маала, со проекции на повеќе локации.
Вечерва програмата ќе се одвива на две места: во 20:00 часот на игралиштето на ООУ Ј. Х. Песталоци, а во 21:00 часот на „Плочник“ во Градски ѕид.
