Карневал Сурети во Побожје

Карневал под маски Сурети се одржа вчера во скопското село Побожје, традиционално на втор ден Велигден. Сурети се народен обичај, маскенбал – дел од старите обредни поворки. Се изведува со маскирани луѓе, учесниците носат специфични носии и прават обредни игри. Целта е симболично да се избрка злото и да се донесе здравје и плодност. Овој обичај постои со векови и се практикува и во скопското село Побожје, каде Сурети е дел од традиционален карневал .