„Вчера во периодот од 11 до 13 часот во СВР Куманово, полициски службеници извршија службен разговор со Е.Љ., В.Б., Љ.А. и 17-годишник, сите од Куманово. Тие се сомничат дека, со употреба на сила влегле во угостителски објект на улица Гоце Делчев одзеле поголем број маси и столови. Е.Љ., В.Б., Љ.А. и 17-годишникот во разговорот го признале делото“, информира денеска Министерството за внатрешни работи.
Од МВР посочуваат дека одземеното било пронајдено и вратено на сопственикот и најавуваат дека по целосно документирање на случајот, против нив ќе биде поднесена соодветна пријава.
