Тој речиси завршен балтички подморски гасовод директно ќе ги поврзе Русија и Германија, одземајќи ѝ на Украина најмалку 1,5 милијарди долари годишно за транзит на рускиот гас преку нејзината територија и одземајќи ѝ од раце средство за дипломатски притисок врз рускиот ривал.
„Ние го доведуваме во прашање овој проект исклучиво во однос на безбедноста и го сметаме за опасно геополитичко оружје на Кремљ“, рече Володимир Зеленски на заедничката прес-конференција со Ангела Меркел.
„Никој не може да негира дека Украина ќе биде изложена на најголеми ризици поради завршувањето на Северен тек 2“, рече тој.
#UPDATE Kiev sees the soon-to-be completed #NordStream2 pipeline carrying Russian gas to Europe and bypassing Ukraine as “a dangerous geopolitical weapon”, President Zelensky says, as Chancellor Merkel said Berlin agreed that gas must not be used that way https://t.co/8LGz8ec28I
— AFP News Agency (@AFP) August 22, 2021
Канцеларката, која ја напушта функцијата наесен, се обиде уште еднаш да го увери Киев, велејќи дека е постигнат договор со САД, кои сакаа да го запрат проектот, за да може проектот да продолжи, под услов Москва да не се користи со него за да ја ослабне Украина и со услов да го продолжи договорот за транзит на гас по 2024 година.
Меркел потсети дека во петокот во Москва побарала од претседателот Владимир Путин да го продолжи „договорот за транзит на рускиот гас преку Украина, кој истекува во 2024 година“.
„Се согласуваме со Американците дека гасот не треба да се користи како геополитичко оружје и тоа на крајот ќе биде во функција на продолжување на договорот. Колку порано тоа се случи, толку подобро“, додаде таа.
Но, претседателот Зеленски рече дека се досега за продолжување на транзитниот договор слушал „само општи работи“.
Канцеларката рече дека ја разбира „големата грижа“ на претседателот Зеленски, истакнувајќи дека Берлин има „посебна одговорност“ во тој поглед.
Германско-американскиот договор овозможува воведување „санкции доколку (гасот) се користи како оружје“, рече таа.
Ангела Меркел на крајот рече дека овие ветувања ќе бидат „обврзувачки за идните германски влади“, бидејќи канцеларката се подготвува да замине по 16 години на власт.
Украина, сојузник на Западот, е сцена на проруска сепаратистичка војна на исток од 2014 година, која изби по руската анексија на украинскиот Крим.
Иако украинските власти ѝ се благодарни на Меркел за нејзината поддршка во конфликтот со Москва, тие ѝ замеруваат што го исклучи прашањето за гасот од опсегот на европските санкции, стремејќи се на изградбата на гасоводот Северен тек 2.
