Здравствените власти вчера пријавија 1.797 нови случаи, двојно повеќе отколку во понеделникот, кога беа пријавени нови 801 случај. Во моментов има околу 429.150 активни случаи во Грција, додека бројот на починатите се искачи на 12.754.
Грција, која е во голема мера зависна од туризмот, ги укина повеќето ограничувања на патувањето, ноќниот живот и правилата за носење маски во затворено.
Сепак, медицинските експерти изразија загриженост бидејќи последниве денови бројот на заразените почна да расте. Еден функционер рече дека повеќето од новите случаи се млади луѓе, па властите одлучија да воведат ограничувања на рестораните, ноќните клубови и кафулињата, кои ќе стапат во сила утре.
Досега се целосно вакцинирани околу 38 проценти од возрасната грчка популација, а владата понуди иницијативи за поттикнување на повеќе луѓе да се вакцинираат, вклучувајќи пари и бесплатен интернет. Целта е да се вакцинираат 70% од возрасната популација до есен.
