Лидерите на Северна Кореја и Кина, Ким Џонг Ун и Си Џинпинг, денеска разменија пораки по повод 60-годишнината од Договорот за пријателство, соработка и заемна помош меѓу двете земји, јави севернокорејската агенција КЦНА.
Тие ветија дека ќе ја интензивираат соработката, пренесе Ројтерс.
Во пораката до Си, Ким рече дека соработката е клучна во борбата против непријателствата на странските сили.
Кинескиот претседател вети дека ќе ја подигне соработката „на ново ниво“.
Договорот за пријателство беше потпишан на 11 јули 1961 година.
