Јутјуб во вторникот објави дека каналите на РТ ја прекршиле политиката на платформата за ширење дезинформации за ковид-19, а руското Министерство за надворешни работи подоцна во соопштение го опиша потегот како „невидена информациска агресија“.
Државниот регулатор за комуникации Роскомнадзор во средата објави дека му пишал на Гугл и побарал укинување на ограничувањата, предупредувајќи дека Русија во спротивно може да настојува делумно или целосно да го ограничи пристапот до Јутјуб.
Германската влада не е вклучена во блокирањето на каналите на РТ на германски јазик на Јутјуб, рече нејзиниот портпарол.
„Тоа е одлука на Јутјуб, која се базира на правилата на Јутјуб, не е мерка преземена од германската влада или други официјални организации“, рече Штефен Зајберт за новинарите.
Русија се закани дека ќе го блокира Јутјуб откако каналите на РТ на германски јазик беа избришани поради ширење дезинформации за ковид-19. Москва додаде дека размислува за можна одмазда против германски медиуми.
