Министерството за внатрешни работи соопшти дека го расчисти случајот со обидот за опожарување на верскиот објект. Акцијата била спроведена од припадници на Секторот за борба против тероризам, насилен екстремизам и радикализам при Одделот за сузбивање на организиран и сериозен криминал во координација со СВР Скопје и Агенцијата за национална безбедност.
Претресите биле извршени вчера и под раководство на надлежен јавен обвинител од ОЈО ГОКК, по претходно обезбедени наредби за вршење на претрес на дом и други простории, приведени се седум лица, од кои за две лица е одредена мерка притвор.
МВР поднесе кривична пријава против А.Љ. (21) и А.Р. (38) за сомневање за сторено кривично дело „тероризам“.
