„Во последните 24 часа извлековме 2.000 луѓе, односно 10.000 од април. Фокусирани сме на тоа да извлечеме што повеќе луѓе“, кажа Волис.
„Но нивото на предизвикот е такво што нема да можеме да ги извлечеме сите. Мораме безмилосно да воведуваме приоритети“, додаде.
„Сакаме да останеме и по 31 август ако е тоа можно. Но, оние кои одлучуваат за тоа се САД и талибанците“, кажа Волис.
„Талибанците можам многу да ни го загорчат животот. Сè ќе зависи од договорот на Американците и талибанците. Ако Америка донесе одлука да не останат по 31 август, и ние ќе заминеме тој ден“, заклучи британскиот министер.
Волис одговори и на критиките дека Британија би можела да испрати уште војници за барем привремено да го задржи и заштити аеродромот во Кабул.
„Да, би можеле да испратиме наши бригади кои би го контролирале аеродромот, но тука не станува збор за силата и големината на нашите оружени сили. Тука станува збор за тоа дали меѓународната заедница сака повторно да се вклучи во оружена борба“, кажа Волис.
„Можеме да испратиме илјадници војници и да го обезбедиме аеродромот. Но со која цел? Некој да пука во нив? Мислам дека тоа не е решение“, кажа министерот.
[video:https://youtu.be/NHtEzoaZWmc autoplay:0]
