Жена од Мејн, која сакала да поминува повеќе време со своето момче, смислила неверојатно глупав план да го извлече од работа, вели полицијата.
Кајла Блејк (33), наводно, пуштила две закани со бомба до работното место на нејзиниот сакан, пишува портландски Прес хералд.
Властите велат дека заканите до фабриката за медицински производи Пуритан во Питсфилд, која произведува стапчиња за ковид-тестови, резултирале со евакуација на околу 400 вработени од двете фабрики на компанијата во градот и губење целодневно производство. Таа е обвинета за кривично дело малтретирање.
Полицијата вели дека Блејк се јавила во државната полиција во четвртокот во 9 часот и рекол дека има бомба во фабриката. Наводно, таа повторно се јавила два часа подоцна и рекла дека ќе постави четири бомби во близина на фабриката, пренесува Фокс.
Шефот на полицијата во Питсфилд, Харолд Бикмор, вели дека било откриено од каде дошол повикот и дека замениците ја пронашле Блејк откако разговарале со жителите на областа. Тој вели дека таа признала дека се јавувала и дека нема бомби.
Била уапсена во четвртокот околу 18 часот, а ѝ била одредена кауција од 1.500 долари. Бикмор вели дека истрагата вклучила неколку агенции, вклучувајќи ја и ФБИ.
