Ивановски рутата ја истрча за 30 минути и 34 секунди, со што го подобри претходниот национален рекорд за 16 секунди и стигна до уште едно големо достигнување во својата кариера.
Второто место во машка конкуренција му припадна на Димитар Илиев со време од 32 минути и 27 секунди, додека трет низ целта мина Муџахед Мислими.
Кај дамите најбрза беше Греша Бакрачи од Косово, која трката ја заврши со време од 35 минути и 18 секунди. Второто место го освои Теодора Симовиќ, а на третата позиција се пласира Фросина Михајловска.
Ова издание на „ХалкЕко Скопје трча“ собра повеќе од 2.000 учесници од 16 земји, а настанот уште еднаш донесе одлична атмосфера низ скопските улици.
