„Каталонците“ првите три натпревари од новата сезона во Ла Лига ги играат на гости, беа освоени седум бода, но Ханси Флик не е задоволен од прикажаното.
По ремито против Рајо Ваљекано, на кое голманот Жоан Гарсија беше најдобриот играч на Барселона, тренерот решил дека е време да им стави до знаење дека доста работи треба да се коригираат.
Како што пренесуваат медиумите, Ханси Флик ги заклучил фудбалерите во соблекувална и им одржал лекција, и ги потсетил играчите дека колективот е приоритет штом ќе излезат на теренот.
Слични беа и изјавите кои ги даде Германецот за медиумите, кога рече: „Кога преодниот рок ќе заврши, сите фудбалери што се во клубот мора да бидат 100% посветени на тимот. Не треба да иам его, его го убива успехот. Минатата година игравме како едно, и повторно треба да бидеме такви“.
