„Разговаравме за тоа, а до Владата ќе препорачаме сите кои доаѓаат од Авганистан да бидат во задолжителен карантин од 14 дена и дополнително да се спроведе вакцинација кај нив. Се работи за мал број луѓе“, вели министерот за здравство Венко Филипче, одговарајќи на новинарско прашање дали ќе има посебни мерки за Авганистанците кои Македонија се нафати да ги прифати.
Вчера премиерот Зоран Заев изјави дека Македонија ги информирала САД дека стои на располагање да помогне за да се спасат животите на цивилно население од Авганистан.
