„Со гласот за број 128 за градоначалник на Скопје, гласаме за стручност и деполитизација на градската администрација. Скопје заслужува стручен и независен градоначалник кој ќе гради партнерства со граѓаните, а не со бизнис елитите и урбаната мафија“, изјави Марковски.
Кандидатката за градоначалник на Центар, Билјана Ивановска, порача дека е време да се објави „војна на корупцијата“ во општината.
„Излезете слободно, независно и гласајте за градоначалничка која ќе управува чесно, одговорно и транспарентно со локалната самоуправа. Гласајте за број 149 за градоначалник на Општина Центар“, истакна Ивановска.
Јана Белчева Андреевска, носителка на советничката листа за Град Скопје, ги повика скопјани да го заокружат бројот 35.
„Советите треба да добијат стручни и независни советници кои ќе работат во интерес на граѓаните и ќе дискутираат за релевантни теми. Нашата цел е да работиме за здравјето и јавното добро, а не за профитот“, нагласи Белчева Андреевска.
Носителот на советничката листа на „Независни заедно“ за Општина Центар, Јане Димески, ги повика центарци да гласаат за бројот 39.
