Од Комората сметаат дека ваков вид ревизија не била предвидена во уредбите со законска сила, ниту пак била најавена.
„Сметководителите не се должни, ниту пак платени за тоа од нарачателот на ревизијата да доставуваат документација кон Гранд Торнтон“.
Комората на сметководители најостро го осудува ваквото „своеволно и незаконско“ постапување на Генералниот секретаријат и бара итно повлекување на овие барања.
„Недозволиво е за државна институција да постапува тенденциозно и да ја злоупотребува својата моќ преку дополнително оптоварување на сметководителите, притоа грубо кршејќи ја регулативата“, се вели во писмото на Комората до Генералниот секретаријат на Владата.
