Крис Харли, морски биолог од универзитетот на Британска Колумбија, намирисал смрдеа на плажата Китсилано во Ванкувер.
За канадски Си-би-си кажал дека бил вџашен од тоа што го затекнал.
Last week’s historic heat wave led to a mass mortality event for shellfish — the impacts could have effects for growers, tribes and tourism. Last week I went to see talk with those who got hit hard, one person described it like “a forest fire throughout the Puget Sound.” 1/ pic.twitter.com/Yqxq89tHS3
— Matthew Smith (@MattSmithKIRO7) July 6, 2021
Британска Колумбија ја погодија рекордно високи температури, а највисоката температура беше измерена на 29 јуни – изнесуваше 49,6 Целзиусови степени.
Не е јасно кога угинале школките. Харли кажал дека повеќето настрадани видови можат да поднесат температури до 30 Целзиусови степени.
Угинувањето на овие животни привремено ќе влијае врз квалитетот на водата во таа област. Имено, некои школки го филтрираат морето, кажал Харли.
[video:https://youtu.be/m4k66aCMBdU autoplay:0]Исто така, тој вели дека повеќе од милијарда мали крајбрежни животни што живеат крај погодениот брег на Салишко Море, море на работ на Тихи Океан, можеле да умрат.
Температурите во Канада биле толку екстремни што шумските пожари создале пирокумулунимбуси, облаци што можат да генерираат торнада и молњи и да предизвикуваат пожари.
Ова не е првпат топлински бран да предизвика ваква ситуација. Во Бодега Хед, залив на калифорнискиот брег, топлински бран во 2019 го предизвика најголемиот помор на школки во историјата.
