Најтрофејниот македонски фудбалски клуб од синоќа има нов сопственик, како што пренесува „Фактор“, преку Македонската берза биле продадени сите 100 акции на „црвено-црните“.
Продавач на акциите е РК Вардар, кој е во сопственост на Сергеј Самсоненко, бизнисменот од Русија добил 2 милиони денари или околу 32.500 евра. Новиот сопственик можеби платил мала сума, но наследи голем долг, се шпекулира дека се работи за бројка од околу 3 милиони евра.
Неофицијално нов сопственик на Вардар е скопската компанија „Блу Скај“ која веќе стопанисува со „црвено-црните“ откако изминатово лето доби зелено светло од град Скопје.
