Минчев смета дека врз база на билатералната бугарско-македонска декларација од 1999 година е утврден принципот земјите да имаат обврска да ги почитуваат индивидуалните права на своите граѓани на самоопределување и слободно изразување на својот идентитет во доброволни здруженија во сферата на граѓанското општество.
Минчев во објавата додава дека бугарската држава признава рамноправни граѓани, а не малцинства и мнозинства.
„Крајно време е во бугарските институции, најмногу во Министерството за надворешни работи, да започнат да раководат компетентни луѓе и да се запре донесувањето парцијални одлуки. Големата ‘беља‘ што ја направија разни „патриоти“, не може да биде поправена со нови ‘идиотски решенија‘, извадени од контекст и национален интерес“, вели Минчев.
Во петокот вршителот на должност шеф на бугарската дипломатија Светлан Стоев изјави дека Министерството за надворешни работи би сакало Бугарите во Северна Македонија да бидат впишани во Уставот на земјата заедно со останатите наброени народи во него.
