Како и во минатите години, најголемо учество имаат умрените лица од болести на циркулаторниот систем и тоа во 41,6 отсто од случаите, неоплазмите со 15,2 отсто, додека минатата година на трето место според смртноста е како последица од компликации од болеста ковид-19. Но, со 5,8 отсто се застапени и случаите кај кои утврдената причина за смрт се болестите на респираторниот систем.
Просечната возраст кај умрените од машки пол изнесува 71,6 години, односно 75,3 години кај лицата од женски пол или за 3,7 години повисока просечна возраст се бележи кај жените.
