Истите луѓе кои четири години гласаа против катните гаражи, денес излегуваат со прес-конференции дека ги нема, а утре — без срам — ќе ги ветуваат како свои. Тоа не е визија, тоа е лицемерие. Граѓаните на Карпош не заслужуваат лаги во боја и стари плакати со нови ветувања – изјави Јакимовски.
Тој додаде дека, додека неговите опоненти „менувале приказни“, локалната власт во изминатиот период работела на подобрување на инфраструктурата и условите за живот во општината.
„Реновиравме училишта и градинки, поставивме фотоволтаици, изградивме нова општинска зграда, направивме нови улици, паркови и јавни површини“, рече тој, повикувајќи ги граѓаните на 19 октомври да излезат и, како што истакна, „да покажат дека Карпош не се продава на муабет, туку се брани со работа, резултати и достоинство“.
