Информацијата за нападот ја пренесе либанската телевизија Мајадин повикувајќи се на „сигурни извори“ за кои е кажано дека се запознаени со ситуацијата, пренесува Раша тудеј.
Изворите кажале дека на бродот избил пожар и дека комерцијалниот брод „го погодило непознато оружје“ во Индискиот Океан. Ниедна група не ја презеде одговорноста за инцидентот.
Изворите навестиле и дека бродот бил нападнат додека се движел од пристаништето во Џеда во Саудиска Арабија кон брегот на ОАЕ.
Соработник на порталот Аксиос од Тел Авив Барак Равид известил дека висок израелски функционер му потврдил дека бродот е сопственост на израелски бизнисмен. Не е јасно што правел израелскиот брод во саудиското пристаниште. Двете држави немаат формални дипломатски односи, а Ријад одби потпишување договор со Тел Авив, доколку Израел не се сложи со предлогот за создавање палестинска држава од 2002 година.
Бродот е сопственост на израелскиот бродосопственик Ејал Офер, јавуваат израелски медиуми. Бродот е идентификуван како Тиндал, а пловел под знамето на Либерија. Екипажот на бродот не бил израелски.
Инцидентот се случува среде долготрајните регионални тензии меѓу Иран и Израел, и напади и обиди за заемно саботирање на комерцијалното бродарство.
“During Operation Guardian of the Walls, the IDF saw an example of multi-arena operational activity… Anyone who tries to harm the State of Israel with offensive activity, will meet a significant response.”
—LTG Aviv Kohavi at the graduation ceremony of Officers Course yesterday pic.twitter.com/bDa3jaWxiH
— Israel Defense Forces (@IDF) July 2, 2021
