„Во врска со вчера добиената пријава во Полициската станица Бит Пазар за лицето К.Р., МВР известува дека пред малку К.Р. своеволно дојде во полициска станица и даде изјава дека пријавата е невистинита, односно никогаш не бил исчезнат туку самоволно, без никаков притисок, со своето семејство заминал кај пријател за да се заштити од публицитет поврзан со собраниската седница“, се вели во соопштението од МВР.
Лидерот на Беса Биљал Касами, вчера пријави во полиција оти „пратеник на движењето Беса е исчезнат” и ги повика властите да го најдат каде и да е, и да објаснат зошто 24 часа не е достапен.
Кастриот Реџепи вчера не присуствуваше на собраниската седница за гласање доверба на Владата. Пo шпекулациите за негово исчезнување и киднапирање, Реџепи се огласи до јавноста преку својот Фејсбук профил и најави дека во понеделник ќе се појави пред новинарите за да разјасни што се случило со неговото вчерашно непојавување во Собранието каде требаше да се гласа за доверба на Владата.
Тој ја повика неговата партија, Движењето БЕСА, да не презема избрзани чекори кои ќе им нанесат штета на партиските структури и активисти.
