Исламска држава ја презема одговорноста за масакрот, а американските власти тврдат дека имаат разузнавачки податоци кои покажуваат дека нападот го извел авганистанскиот огранок на џихадистичката група, Исламска држава Хорасан. Но, Захарова истакна дека Западот побрзал да ѝ ја припише одговорноста на Исламска држава за да го тргне сомнежот од Украина и западните влади кои ја поддржуваат.
„За да го тргнат сомнежот на колективниот Запад, итно мораа нешто да смислат, па го употребија ИСИС. Извлекоа ас од ракавот, и буквално неколку часа по терористичкиот напад англосаксонските медиуми почнаа да ја шират токму таа верзија“, кажа Захарова.
