петок, 19 април 2024

На 85 години почина Марчело Гандини, дизајнерот на ламборгини миура и кунтач

Иконата на автомобилскиот дизајн, Марчело Гандини, почина вчера на 85 години во Торино, Италија. Причината за неговата смрт сè уште не е објавена.

Објавено на

часот

Сподели

Роден во 1938, Гандини во 1965 година влегува во Бертоне по заминувањето на главниот дизајнер Џорџето Џуџаро. Гандини минал 14 продуктивни години во компанијата, ја формирал дивизијата Стиле Бертоне, и дизајнирал некои од најлегендарните возила во историјата.

Неговиот дизајнерски талент бил очигледен од почетокот на кариерата. Еден од најраните дизајни, ламборгини миура, важи за зачетник на сегментот на суперавтомобилите, а светски е познат како еден од најубавите автомобили на сите времиња.

Сепак, легендарниот дизајнер не сопрел тука. Гандини нацртал повеќе славни италијански спортски автомобили од минатиот век, вклучувајќи ги ламборгини кунтач, детомасо пантера и ферари 308/ГТ4 – првиот и последен модел на Ферари дизајниран од Бертоне кој влегол во производство. Подоцна ги дизајнирал и ламборгини дијабло, масерати битурбо, и други.

Гандини стои и зад некои од најимпресивните концепти од неговото време, вклучувајќи ги алфа ромео 33 карабо и ланча стратос зеро. Но не се ограничил само на горните ешалони на автомобилската индустрија.

Италијанскиот дизајнер е заслужен за некои од најпознатите големосериски автомобили од таа ера: оригиналната серија 5 на БМВ, првата генерација на фолксваген поло, рено 5 турбо, ситроен БХ…

ТОП ВЕСТИ

ПОСЛЕДНИ ВЕСТИ